رقيق أنت بطيبتك تسحر ألناس

وكلبك من عرفته بسرعه صدكته
شجاني شلون أتولعت بيك
وكلبي أعله ألعشك شلون علمته
خليته يحبك وبيك أنت يموت
وبلحظه أعله درب ألشوك أنت جرجرته
... أحبك حب طفل من أمه محروم
وأعله حظنك ألدافي أنته عودته
ظلمه ألعمر من دونك ياحبيبي
وصدكني بغرامك أنته نورته
يسألوني شلون آنه ذايب بيك
وكلبي بهل سهوله سلمته
شحجي وشجاوب وليش وشلون
أتردد وأصفن وأفكر وأكظيهه سكته
شكول لهم أحبك وأني أللي ميت بيك
وكلبي أنته ملكته وعقلي جننته